كنت اشوف ....

السلام عليكم ورحمة الله وبركاته

صباح الخير/ مساء الخير

أتمنى أن يجد هذا النص المتواضع بعض الرضى والقبول ......



كنت اشوف ان السعاده كلها في حاجتين
قرب شخص" لي احبه او تجاره مربحه
والخطاء وارد وأنا حطوني ضمن المخطيين
ايه مخطي واعترف والقول لازم اشرحه
انجبر قلبي أنا في بنت ناس" طيبين
واثر هذي البنت اسمي ودها لو تمسحه
مغرمه في حب غيري هالبنيه من سنين
لاهيه ماهمها قلبي وعادي تجرحه
شفتوا ان الحب من جانب خطاء ؟ يامسلمين
وانشدوا اهل التجارب والقلوب المنصحه
والتجاره ماتربح كل رجل" مستدين
راس ماله دين لو يدفعه ابد مايربحه
التجاره ودها رجل" ذكي رجل" ذهين
عارف" دوره سوات ممثل" في مسرحه
مايعد الرجل ناجح كود مع متفوقين
ومن تراخى عن عزومه وقته اللي يذبحه
السعاده كلها والله في دنيا ودين
ورابح اللي للمساجد خطوته من تمدحه
أحذروا ثم أحذروا ثم أحذروا يامذنبين
من بلي في شيء ذنبه يستره لايفضحه
ربي اغفر لي ذنوبي أنت رب العالمين
اطلبك وارجيك يارحمن ذنبي تصفحه
كنت اظن ان السعاده كلها في حاجتين
مخطي" يعرف خطاه ولا لقى من ينصحه



اللامانه منقوووووول (((اعجبنى كثير)))